Aqil Quliyev
İdarə Heyətinin sədri
Aqil Elbrus oğlu Quliyev 29 oktyabr 1982-ci
il tarixində anadan olub.
1989-1999-cu illərdə Bakı şəhəri Binəqədi rayonu 276 nömrəli
orta məktəbdə təhsil alıb.
1999-2003-cü illərdə Bakı Dövlət Universitetinin Hüquq
fakültəsində hüquqşünaslıq ixtisası üzrə aldığı bakalavr təhsilini fərqlənmə
diplomu ilə başa vurub.
2003-2006-cı illərdə Bakı Dövlət Universitetinin Hüquq
fakültəsində oxuduğu “Dövlət hüququ” ixtisaslaşması üzrə magistr təhsilini
fərqlənmə diplomu ilə bitirib.
2005-2010-cu il illərdə Azərbaycan Respublikası Prokurorluq
orqanlarında müstəntiq vəzifəsində işləyib.
2010-2012-ci illərdə Əmlak Məsələləri Dövlət Komitəsi
yanında Daşınmaz Əmlakın Dövlət Reyestri Xidmətində hüquq məsləhətçisi vəzifəsində
işləyib.
2012-ci ilin noyabr ayından etibarən Prezident yanında Vətəndaşlara
Xidmət və Sosial İnnovasiyalar üzrə Dövlət Agentliyinin Hüquqi təminat şöbəsi
Hüquqi aktların ekspertizası sektorunun müdiri və Daxili hüquqi tənzimləmə
sektorunun müdiri-şöbə müdirinin müavini vəzifələrində çalışıb.
2014-cü ilin fevral ayından Prezident yanında Vətəndaşlara
Xidmət və Sosial İnnovasiyalar üzrə Dövlət Agentliyinin Nəzarət və qiymətləndirmə
şöbəsinin müdiri vəzifəsində çalışıb.
2018-ci ilin may ayından Kənd Təsərrüfatı Nazirliyinin
daxili nəzarət və audit şöbəsinin müdiri olub. 2018-ci ilin sentyabr ayından
2020-ci ilin mart ayınadək KTN Aparatının rəhbəri vəzifəsində çalışıb.
2020-ci ilin mart ayından etibarən “Aqrar tədarük və təchizat”
ASC-də İdarə Heyətinin sədri vəzifəsində çalışır.
Rus və ingilis dillərini bilir.